BUBULCI

BUBULCI

iam Siracidis aetate contemptim habiti, vide Ecclesiastic. c. 38. v. 26. unde nihil mirum, quod in Theocriti Bucolisco Eunica puella bubulcum hôc sermone repellat,

----- ----- ἔῤῥ᾿ ἀπ᾿ ἐμεῖο.

Βωκόλος ὢν ἐθέλεις με κύσαι, τάλαν: οὐ μεμάθηκα

Α᾿γροίκως φιλέειν.

----- ----- Abi a me in malam rem:

Bubulcus cum sis, vis me osculari, miser? Non didici

More rusticô osculari.

Et post multa huiusmodi,

----- ----- τρὶς εἰς ἑὸν ἔπτυςε κόλπον,

ter in sinum suum despuit,

ut Idyll. 27. pari fastidiô puella, quam oseulatus fuerat Daphnis bubulcus,

Τὸ ςτὀμα μου πλὐνω, καὶ ἀποπτύω τὸ φίλαμα,

Καλόν ςοι δαμάλας φιλέειν, οὐκ ἄζυτα κώραν,

Os meum lavo et osculum despuo

decet te vitulas osculari, non innuptam puellam.

Sed apud priores mortales longe aliter se res habuit: tum enim boum curam non dedignabantur Principes Viri. Hinc apud Homer. Il. ζ. v. 424. Cilicum Regis filia, Andromache, Achillem septem fratres suos interfecisse queritur,

Βουςὶν ἐπ᾿ εἱλιτόδεςςι,

Apud boves curvis pedibus.

In quem locum Eustathius, Βουκολοῦντες, inquit, παλαιῷ ἔτει καὶ ὄις νέμοντες ἐκεῖνοι, ἔπεςον ὑπὸ τῷ Α᾿χιλλεῖ, Illi boves et oves veteri more pascentes, sub Achille ceciderunt. Et Il. υ. v. 91. Aencas se iam antea cum Achille congressum esse narrat,

Ε᾿ξ Ι῎δης ὅτε βουςὶν ἐπήλυθεν ἡμετἐρῃςι.

Cum ex Ida boves invasit nostros;

quibus scil. ipse custos aderam. Sic Il. φ. Phoebus; et in Theocriti carm. cit. Bacchus, Adonis, Eudymiori, alii hanc artem exercuisse memorantur, etc. In Sacris, Iudic. c. 3. v. 31. Samgar celebris est, qui stimulô boum sexcentos Philistaeos percussisse legitur. Quod an solus secerit, an tumultuariâ tusticorum turmâ comite, cuius ducem se praestiterit, non definit Scriptura. Utur sir, id notabile est, quod non aliô telô, quam quale Bubulci manibus versant, viros egregie armatos non solum aggressus sit, sed et fregerit. Sic Lycurgum, non aliô telô armatum, circa Nysam, Bacchi copias et eius nutrices fugâsse, legimus Il. ζ. v. 134.

Θῦςθλα χαμαὶ κατέχευεν, ὑπ᾿ ἀνδροφόνοιο Λυκούργου

Θεινόμεναι Βουπλῆγι.

Thyrsos in terram proiecerunt, ab homicida Lycurgo

Percussae boum stimulô.

Quam pugnam cum ἐγγύθι Καρκἠλοιο, prope Carmelum, montem in Iudaea notissimum, contigisse dicat Nonnus Dionysiac. l. 20. non improbabilis est Bocharti coniectura, ex Samgaris Historia hausisse Poetas, quod fabulae de Lycurgo infareirent. Nec omittendum, Christum e caelis Hebraice Saulum alloquentem, inter coetera dixisse, Durum est tibi contra stimulos calcitrare, Actor. c. 9. v. 5. Quod proverbium, a bobus refractariis stimulisque Bubulcorum sumptum, cum Graeci Romanique Scriptores passim usurpent, Aeschylus in Agamemn. v. 1620. et in Prometheo vincto, v. 321. Euripides in Bacchis v. 793. Pindarus Pythior. Od. 2. Terentius in Phormione, Actus. 1. sc. 2. v. 28. Plautus in Truculento, Actu. 4. sc. 2. v. 55. Videri posset ab illis Christus id deprompsisse: sed hoc esset fontem limpidissimum ex rivulis lacunosis derivare. Certe iam in Mose, qui Aeschylum et Pindarum mille circiter praecessit annis, legimus Deuter. c. 32. v. 15. Saginatus est rectus et recalcitravit, nempe in Legis stimulos, quibus ad officium urgemur, etc. Vide Bochart. Hieroz. Part. prior. l. 2. c. 39. et infrâ Stimulus.